اے آر وائی چینل کے مالک سلمان اقبال اوراینکر ارشد شریف کی گرفتاری کا حکم دے دیا گیا
اسلام آباد (مانیٹرنگ ڈیسک )اے آر وائی چینل کے مالک سلمان اقبال اور اینکر ارشد شریف کی گرفتاری کا حکم دے دیا گیا ۔
تفصیلات کے مطابق کراچی کی عدالت نے جیو اور جنگ گروپ کے ایڈیٹر انچیف میر شکیل الرحمان کو متنازع بنانے کی کوشش کرنے اور بدنام کرنے کے الزام میں اے آر وائی چنیل کے مالک سلمان اقبال اور اینکر ارشد شریف کی گرفتاری کا حکم دے دیا۔
جیو نیوز کے مطابق کراچی کے ایڈیشنل ڈسٹرکٹ اینڈ سیشن جج جنوبی نے میر شکیل الرحمان کو متنازع بنانے کی کوشش کرنے اور بدنام کرنے کے الزام میں
اے آر وائی چنیل کے مالک سلمان اقبال اور اینکر ارشد شریف کے ناقابل ضمانت وارنٹ گرفتاری بھی جاری کردیے۔
اے آروائی کے چیف ایگزیکٹو اور اینکر نے ایڈیٹر انچیف جنگ جیو میر شکیل الرحمان کے خلاف جھوٹی مہم چلائی اور عدالتی فیصلہ غلط پیش کیا۔
اےآروائی لندن ایڈیٹر انچیف جنگ جیو کو بدنام کرنے سمیت کئی کیسز میں متعدد بار پہلے ہی معافی مانگ چکا ہے۔
