لاہور(این این آئی) مسلم لیگ (ن) کے قائد نواز شریف کی ہدایت پر پارٹی رہنماؤں نے سائفر کے معاملے پر عوام کو حقیقت سے آگاہ کرنے کا فیصلہ کرلیاجس کے لئے باقاعدہ منصوبہ بندی بھی شروع کر دی گئی ہے۔ پارٹی ذرائع کے مطابق مسلم لیگ (ن)کے قائد نواز شریف نے لندن سے پارٹی رہنماؤں کو سائفر پر سخت اور جارحانہ ردعمل دینے کی ہدایت کر دی ہے،رہنماؤں سے کہا گیا ہے کہ عوام کو سائفر کی حقیقت سے آگاہ کیا جائے کہ یہ ریاست کے خلاف سازش بہت بڑی سازش تھی۔ پارٹی رہنماؤں کو ہدایت کی گئی ہے کہ وہ الیکٹرانک، پرنٹ میڈیا اور سوشل میڈیا پر عمران خاں کے جھوٹے بیانیے کو ثبوتوں کے ساتھ بے نقاب کریں۔