لاہور( این این آئی)پاکستانی تاریخ کی مہنگی ترین ایکشن فلم دی لیجنڈ آف مولا جٹ کی ایڈوانس بکنگ کا اعلان کردیا گیا ہے۔13 اکتوبر کو ریلیز ہونے والی پنجابی فلم دی لیجنڈ آف مولا جٹ کی ایڈوانس بکنگ کا آغاز آج جمعہ30 ستمبرکی شام 7 بجے سے کیا جارہا ہے۔فلم میں اداکار فواد خان نے مولا جٹ کا مرکزی کردار ادا کیا ہے جبکہ ماہرہ نے مکو جٹی کا کردار ادا کیا ہے۔1979 ء کی کلاسک فلم مولا جٹ کے ریمیک میں حمزہ علی عباسی مولا جٹ کے حریف نوری نت کا کردار ادا کریں گے جبکہ حمائمہ ملک دارو کا کردار ادا کر رہی ہیں۔اس کے علاوہ گلوکار فارس شفیع نے دی لیجنڈ مولا جٹ میں مودا کے کردار سے اداکاری کے میدان میں قدم رکھا ہے۔واضح رہے کہ دی لیجنڈ آف مولا جٹ کے رائٹر کو 15 لاکھ روپے معاوضہ دیا گیا۔

موضوعات:دی لیجنڈ آف مولا جٹ