لاہور (مانیٹرنگ ڈیسک) بچوں کو اغوا کرنے والے گروہوں کے متحرک ہونے سے متعلق سوشل میڈیا پرچلنے والی افواہوں کو پنجاب پولیس نے جھوٹ اور جعلی قرار دے دیا، سماجی رابطے کی ویب سائٹ ٹوئٹر پر پنجاب پولیس کا کہنا تھا کہ مختلف سوشل میڈیا اکاؤنٹس کے ذریعے گلی، محلوں اور سکولوں سے بچوں کو اغوا کرنے والے گروہوں کے متحرک ہونے بارے افواہیں پھیلائی جا رہی ہیں جن میں کوئی صداقت نہیں، آپ سے گزارش ہے کہ ذمہ دار شہری ہونے کا ثبوت دیں اور بلاتصدیق ایسی جھوٹی خبریں آگے نہ پھیلائیں۔
مختلف سوشل میڈیا اکاؤنٹس کے ذریعے گلی، محلوں اور سکولوں سے بچوں کو اغواء کرنے والے گروہوں کے متحرک ہونے بارے افواہیں پھیلائی جارہی ہیں جن میں کوئی صداقت نہیں۔ آپ سے گزارش ہے کہ ذمہ دار شہری ہونے کا ثبوت دیں اور بلا تصدیق ایسی جھوٹی خبریں آگے نہ پھیلائیں۔ pic.twitter.com/y7kjIPmIr0
— Punjab Police Official (@OfficialDPRPP) September 29, 2022
