لاہور (این این آئی)انگلینڈ نے پاکستان اور بھارت کے درمیان ٹیسٹ سیریز کی میزبانی کی پیشکش کر دی۔برطانوی اخبار نے دعویٰ کیا کہ انگلینڈ نے 15 سال سے نہ ہونے والی پاک بھارت باہمی ٹیسٹ سیریز کو ممکن بنانے کے لیے اپنی سرزمین کو بطور نیوٹرل مقام کے طور پر پیش کیا ہے۔اخبار کے مطابق ڈپٹی چیئرمین انگلش بورڈ مارٹن ڈارلو نے پاک انگلینڈ ٹی ٹوئنٹی سیریز کے دوران پی سی بی حکام سے ملاقات میں یہ پیشکش کی ہے۔مارٹن ڈارلو کا کہنا ہے کہ ان میچوں کے دوران انگلینڈ میں تماشائیوں کی کثیر تعداد میچ دیکھنے آئے گی کیونکہ دونوں ممالک کے بہت زیادہ افراد برطانیہ میں موجود ہیں،پاکستان اور بھارت کے درمیان 2007 سے اب تک کوئی ٹیسٹ سیریز نہیں ہوئی ہے۔