اسلام آباد(این این آئی) تحریک انصاف نے وزیراعظم اور وفاقی وزراء کی آڈیو لیک کو سپریم کورٹ میں جمع کرانے کا اعلان کردیا۔تفصیلات کے مطابق تحریک انصاف کے 123استعفوں کی ایک ساتھ منظوری کے معاملے پر وکیل فیصل چوہدری نے نجی ٹی وی سے گفتگوکرتے ہوئے کہا کہ وزیراعظم،وفاقی وزراکی آڈیولیک کوسپریم کورٹ میں جمع کرائیں گے۔انہوں نے کہا کہ مخصوص استعفوں کی منظوری سے متعلق سپیکرکی بدنیتی ظاہرہوگئی۔ انہوں نے کہا کہ کل تک آڈیولیک کی ٹرانسکرپٹ سپریم کورٹ میں جمع ہو جائیگی، آڈیوز کا فارنزک کرانے یا نہ کرانے کا فیصلہ سپریم کورٹ نے کرنا ہے۔