اسلام آباد (این این آئی)برطانوی ملکہ الزبتھ دوم کی وفات پرپاکستان میں 12 ستمبر کو یوم سوگ منایا جائیگا۔وزیراعظم ہاؤس کی جانب سے جاری اعلامیے کے مطابق 12ستمبر کو یوم سوگ کے موقع پر قومی پرچم سرنگوں رہیگا۔میڈیا رپورٹ کے مطابق وزیراعظم آفس نے کہا کہ وزیراعظم شہباز شریف نے وزارت خارجہ کی سفارش پر یوم سوگ کی منظوری دی۔خیال رہے کہ 8 ستمبر کو ملکہ برطانیہ الزبتھ ثانی کا انتقال ہوگیا تھا اور ان کی آخری رسومات پیر19 ستمبر کو ادا کی جائیں گی۔برطانوی میڈیا نے کہاکہ ملکہ الزبتھ کی آخری رسومات ویسٹ منسٹر ایبیمیں دن 11 بجے شروع ہوں گی۔