اسلام آباد(آن لائن)سائبر کرائم سرکل اسلام آباد نے شادی شدہ خاتون کی نازیبا ویڈیوز و تصاویر بناکر بلیک میلنگ میں ملوث ملزم کو گرفتار کرکے مقدمہ درج کرلیا۔
مزید تفتیش شروع کردی گئی ہے۔ تفصیلات کے مطابق اسلام آباد سائبر کرائم سرکل نے بلیک میلنگ میں ملوث ملزم کو گرفتارکر لیا۔حکام کے مطابق زیر حراست مہران نامی ملزم شادی شدہ خاتون کی قابل اعتراض ویڈیوز و تصاویر تیار کرکے سوشل میڈیا پر وائرل کرنے کی دھمکیاں دے کر خاتون کے خاوند کو بلیک کررہا تھا۔انہوں نے بتایا کہ خاتون کے خاوند کی درخواست پر ایف آئی اے سائبر کرائم سیل اسلام آباد نے انکوائری کرتے ہوئے ملزم کو صوابی سے گرفتار کرلیا۔حکام کا مزید کہنا تھا کہ ابتدائی تفتیش میں ملزم کے موبائل فون سے قابل اعتراض مواد برآمد ہوا ہے جبکہ ملزم کے خلاف پیکا ایکٹ کے تحت مقدمہ نمبر 126/22 درج کر لیا گیا۔مزید تفتیش شروع کردی گئی ہے۔
