ملتان ( آن لائن )سابق وزیر خارجہ شاہ محمود قریشی نے کہا ہے کہ آئی ایم ایف سے معاہدے کے باوجود روپیہ مستحکم کیوں نہیں ہو رہا؟ ملک میں سرمایہ کاری نہیں ہو رہی ،
شہباز شریف کی کارکردگی کی قلعی کھل گئی ہے، پی ڈی ایم حکومت نے آئی ایم ایف سے معاہدہ کیوں کیا؟ ملتان میں میڈیا سے گفتگو کرتے ہوئے سابق وزیر خارجہ نے کہا کہ طویل بحث کے بعد ہم نے اسمبلیوں سے استعفے دیئے، جب سازش کے تحت ہماری حکومت ختم کی گئی تو
ان کے ساتھ بیٹھنے کا فائدہ نہیں، لوگوں نے سرکاری پروپیگنڈے کے باوجود عمران خان کے بیانیے کو قبول کیا ہے۔ انہوں نے مزید کہا کہ قوم کو جگانے
میں عمران خان کا کردار کسی سے پوشیدہ نہیں ہے، تحریک انصاف اپنی جدو جہد جاری رکھے گی، شہباز شریف کی کارکردگی کی قلعی کھل گئی ہے،
پی ڈی ایم حکومت نے آئی ایم ایف سے معاہدہ کیوں کیا؟اس بار پیپلزپارٹی اندرون سندھ سے بھی ہارے گی،
سندھ میں انتظامیہ نام کی کوئی چیز نہیں ہے، بلاول بھٹو ہیلی کاپٹر سے اتر کر نیچے دیکھیں تاکہ حقیقت کا پتہ چلے۔
