اسلام آباد (این این آئی)پاکستان کرکٹ ٹیم کے وکٹ کیپر بیٹسمین محمد رضوان نے ٹی ٹوئنٹی رینکنگ میں نمبر ون پلیئر بن جانے پر خوشی کا اظہار کرتے ہوئے کہاہے کہ لوگ کہتے تھے چھکا نہیں مار سکتا، اللہ نے نمبر ون بنا دیا۔پی سی بی کی جانب سے

انسٹاگرام پر محمد رضوان کی ایک ویڈیو شیئر کی گئی ہے جس میں انہوںنے کہا کہ مجھے نمبر ون بن جانے پر بس اتنی خوشی ہے کہ اللہ نے وہ مقام دیا جس پر لوگ کہتے تھے کہ رضوان چھکا نہیں مار سکتا ورنہ میں اور بابر اعظم الگ نہیں ہیں۔محمد رضوان نے کہا کہ مجھ میں اور کپتان بابر اعظم میں کوئی فرق نہیں ہے، نمبر ون وہ ہوں یا میں کوئی فرق نہیں پڑتا، زیادہ خوشی یہ ہے کہ ریکارڈ پاکستان کے پاس تھا اور پاکستان کے پاس ہی ہے، میرے ذریعے بھی رینکنگ پاکستان کے پاس ہی آئی ہے۔ماضی میں نیوزی لینڈ کے خلاف میچ سے قبل افتخار سے ہوئی گفتگو پر بات چیت کرتے ہوئے محمد رضوان نے بتایا کہ مجھے اس روز گاڑی میں افتخار نے کہا تھا کہ رضوان تمہارے کیرئیر کا آخری میچ ہے کیونکہ مجھے پی ایس ایل میں بھی نہیں کھلایا جا رہاتھا اور مجھے لگ رہا تھا اب مجھے ٹی ٹوئنٹی ورلڈکپ بھی نہیں کھلایا جائے گا تاہم بس محنت کرتا تھا اور اللہ سے دعا کرتا تھا اللہ نے مصباح بھائی کے ذہن میں ڈالا اور انھوں نے مجھ سے اوپننگ کرائی۔