اسلام آباد (مانیٹرنگ ڈیسک)نسیم شاہ نے ہارا میچ جتوا دیا، سوشل میڈیا پر ٹرینڈ بن گیا۔ متحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے افغانستان کو شکست دے کر فائنل کیلئے کوالیفائی کرلیا۔نسیم شاہ کے آخری اوور کی پہلی دو گیندوں پر 2 چھکے مار کر افغانستان کے منہ سے جیت چھین لی۔
نسیم شاہ کے چھکوں نے سب کو حیران کر دیا، سوشل میڈیا پر ٹرینڈ بن گیا، صارفین کی جانب سے حیرانگی کا اظہار کرتے ہوئے کہا کہ نسیم شاہ تم چھا گئے آج کے میچ کے اصل ہیرو تم ہو۔ ایک صارف کا کہنا تھا کہ نسیم شاہ کے دو چھکوں نے افغانستان کے کھلاڑیوں کا غرور خاک میں ملا دیا۔ خیال رہے کہ پاکستان کے نو کھلاڑی 18.5 اوور میں پویلین لوٹ چکے تھے اس موقع پر نسیم شاہ نے مرد بحران کا کام کیا، شائقین میں مایوسی تھی کہ شاید پاکستان میچ ہار جائے گا لیکن نسیم شاہ نے بازی پلٹ دی، نسیم شاہ نے چار گیندوں پر دو چھکوں کی مدد سے چودہ رنز بنائے اور پاکستان کو فتح سے ہمکنار کرا دیا۔ ایشیا کپ ٹی ٹوئنٹی ٹورنامنٹ میں پاکستان نے اہم میچ میں افغانستان کے خلاف ٹاس جیت کر فیلڈنگ کا فیصلہ کیا۔ افغانستان کی جانب سے حضرت اللہ زازئی اور رحمان اللہ گربز بیٹنگ کے لئے آئے، حضرت اللہ زازئی نے 21 رنز بنائے انہیں محمد حسنین نے بولڈ کیا، رحمان اللہ گربز نے 17 بنائے اور وہ حارث رو?ف کا شکار بنے، ابراہیم زردان نے 35 رنز بنائے اور وہ حارث رو?ف کی گیند پر محمد رضوان کے ہاتھوں کیچ آو?ٹ ہوئے۔ کریم جنت نے 15 رنز بنائے اور محمد نواز کی گیند پر فخر زمان کے ہاتھوں کیچ آو?ٹ ہوئے۔ نجیب اللہ زردان نے 10 رنز بنائے اور وہ شاداب خان کی گیند پر فخر زمان کے ہاتھوں کیچ آو?ٹ ہو کر پویلین لوٹ گئے۔ محمد نبی بغیر کوئی رنز بنائے آو?ٹ ہوئے انہیں نسیم شاہ نے بولڈ کیا۔ عظمت اللہ عمرزئی نے 10 اور راشد خان نے 18 رنز بنائے اور ناٹ آو?ٹ رہے۔
اس طرح مقررہ 20 اوورز میں افغانستان نے چھ وکٹوں کے نقصان پر 129 رنز بنائے اور پاکستان کو جیتنے کے لئے 130 رنز کا ٹارگٹ دیا۔پاکستان کی جانب سے حارث رو?ف نے دو جبکہ نسیم شاہ، محمد حسنین، محمد نواز اور شاداب خان نے ایک ایک کھلاڑی کوآو?ٹ کیا، ہدف حاصل کرنے کے لئے پاکستان کی جانب سے محمد رضوان اور بابر اعظم بیٹنگ کے لئے آئے،
بابراعظم بغیر کوئی رنز بنائیفضل حق فاروقی کی گیند پر ایل بی ڈبلیو ہو گئے، فخر زمان پانچ رنز بنانے کے بعد نجیب اللہ زردان کے ہاتھوں رن آو?ٹ ہو گئے۔ محمد رضوان آج صرف 20 بنا سکے انہیں راشد خان نے ایل بی ڈبلیو آو?ٹ کیا۔ افتخار احمد نے 30 رنز بنائے اور وہ فرید احمد کی گیند پر ابراہیم زردان کے ہاتھوں کیچ آو?ٹ ہوئیشاداب خان نے اچھے کھیل کا مظاہرہ کیا انہوں نے 26 گیندوں پر 36 رنز بنائے، وہ راشد خان کی گیند پر عظمت اللہ عمرزائی کو کیچ تھما کر پویلین لوٹ گئے۔
محمد نواز نے چار رنز بنائے اور انہیں فضل حق فاروقی نے ایل بی ڈبلیو آو?ٹ کیا۔ خوشدل شاہ نے ایک رنز بنایااور وہ فضل حق فاروقی کا شکار بنے۔ حارث رو?ف بھی بغیر کوئی رنز بنائے فرید احمد کی گیند پر بولڈ ہو گئے۔ آصف علی نے 16 رنز بنائے اور فرید احمد کی گیند پر کریم جنت کے ہاتھوں کیچ آو?ٹ ہوئے۔ آخر میں نسیم شاہ نے پاکستان کی عزت رکھ لی اور چار گیندوں پر دو چھکوں کی مدد سے 14 بنا کر پاکستان کو فتح دلا دی۔ اس طرح پاکستان فائنل میں پہنچ گیا۔
