دبئی (این این آئی)پاکستان کرکٹ ٹیم کے وکٹ کیپر بیٹر محمد رضوان کی انجری کے حوالے سے پاکستان کرکٹ بورڈ (پی سی بی)نے تازہ ترین اپ ڈیٹ جاری کی ہے۔پی سی بی کے مطابق وکٹ کیپر بیٹر محمد رضوان نے منگل کو آرام کیا اور آئی سی سی اکیڈمی گرانڈ میں شیڈول پاکستان کے ٹریننگ سیشن میں شرکت نہیں کی پی سی بی کا کہنا ہے کہ محمد رضوان ایشیا کپ میں (آج) بدھ کو افغانستان کے خلاف ہونے والے میچ کی سلیکشن کیلئے دستیاب ہیں۔خیال رہے کہ بھارت کیخلاف سپر فور کے میچ کے فوری بعد محمد رضوان کو ہسپتال لے جایا گیا جہاں ان کے سیدھے گھٹنے کا ایم آر آئی اسکین کرایا گیا تھا۔