دبئی/نئی دہلی (این این آئی)ایشیا کپ میں پاکستان اور بھارت کے درمیان ہونے والے میچ میں ایک پاکستانی مداح کی اسٹیڈیم سے تصویر مقبول ہوئی جس کے بھارت میں بھی چرچے ہیں۔سوشل میڈیا پر وائرل تصویر میں دیکھا جاسکتا ہے کہ کہ بھارتی کرکٹر ویرات کوہلی کی ایک پاکستانی مداح دبئی کرکٹ اسٹیڈیم میں پلے کارڈ اٹھائے کھڑی ہے جس پر درج ہے کہ میں یہاں صرف کوہلی کی وجہ سے آئی ہوں۔کوہلی کی اس پاکستانی مداح کے حوالے سے سوشل میڈیا صارفین نے تبصرے کئے ،بھارتی سیاسی جماعت کانگریس کے طلبا ونگ کی سابقہ سیکرٹری اور سماجی کارکن انجیلیکا اریبم نے بھی اس پر ردعمل دیا ہے۔تصویر کو ری ٹوئٹ کرتے ہوئے کہا کہ اگر کسی ہندوستانی نے پاکستانی کھلاڑی کے لیے ایسا پلے کارڈ اٹھایا ہوتا تو اس پر بغاوت کا الزام لگاکر تنقید کا نشانہ بنایا جاتا۔