کراچی (آن لائن) انٹر بینک میں روپے کے مقابلے ڈالر2روپے مہنگا ہو گیا جبکہ اوپن مارکیٹ میں ڈالر کی قدر 1روپے بڑھ گئی ۔فاریکس ایسوسی ایشن آف پاکستان کی رپورٹ کے مطابق انٹر بینک اور مقامی اوپن کرنسی مارکیٹ میں ڈالر کے مقابلے پاکستانی روپیہ دبائو کا شکار ہے جس کی وجہ سے منگل کو روپے کی قدر مزید گر گئی اور انٹر بینک میں ڈالر کی قیمت فروخت220روپے سے بڑھ کر222روپے ہو گئی اسی طرح مقامی اوپن کرنسی مارکیٹ میں ڈالر کی قیمت فروخت231روپے سے بڑھ کر 232روپے ہو گئی ۔فاریکس رپورٹ کے مطابق یورو کی قدر میں4روپے کا اضافہ ہوا جس سے یورو کی قیمت فروخت232روپے سے بڑھ کر236روپے ہو گئی اسی طرح 6روپے کے نمایاں اضافے سے برطانوی پونڈ کی قیمت فروخت 268روپے سے بڑھ کر274روپے پر جا پہنچی