لاہور( این این آئی)مسلم لیگ (ن) کے قائد نواز شریف کی ہدایات پر پارٹی کی نائب صدر مریم نواز ضمنی انتخابات کیلئے متحرک ہو گئیں ، مختلف اضلاع میںجلسوں سے خطاب کریں گی ۔ ذرائع کے مطابق مریم نواز ضمنی انتخابات کے سلسلے میں 6 ستمبر کو پہلا جلسہ شیخوپورہ میں کریں گی، 8 ستمبر کو چشتیاں میں جلسے سے خطاب کریں گی۔ پارٹی ذرائع کے مطابق مریم نواز جلسوںسے قبل مقامی رہنمائوں سے ملاقاتیں بھی کریں گی۔دیگر اضلاع کے حلقوں میں جلسوں کے حوالے سے بھی شیڈول مرتب کیاجارہا ہے ۔11 ستمبر کو پنجاب اسمبلی کی 2 اور قومی اسمبلی کی 1 نشست جبکہ 25 ستمبر کو قومی اسمبلی کی 9 نشستوں پر ضمنی انتخابات ہوں گے۔

موضوعات:مریم نواز