ابوظبی(این این آئی) متحدہ عرب امارات (یو اے ای) نے پاکستان کی امداد کے لیے فلاحی گروپ قائم کر دیا۔ فلاحی گروپWe stand togetherسیلاب زدگان کے لیے سامان جمع کریگا،

یہ گروپ متحدہ عرب امارات میں کمیونٹی ڈویلپمنٹ کی وزارت کے ماتحت کام کریگا۔اماراتی ریڈکریسنٹ اتھارٹی، دبئی کیئرز اور شارجہ چیریٹی ایسوسی ایشن بھی پاکستان کے لیے امداد جمع کریں گے، سیلاب زدگان کے لیے امداد اکٹھی کرنیکا

پہلا ایونٹ ہفتہ 10 ستمبر صبح 9 سے دوپہر 1 بجے تک ابوظبی نیشنل ایگزیبیشن سینٹر میں ہوگا۔دبئی میں ایکسپو سٹی کے ساتھ

ہال اور شارجہ ایکسپو سینٹر میں سیلاب زدگان کے لیے امدادجمع کی جائیگی۔ فلاحی گروپ We stand togetherکی قیادت اماراتی خیراتی تنظیمیں کر رہی ہیں،

گروپ نے اماراتی شہریوں سے سیلاب سے متاثرہ پاکستانی خاندانوں کے ساتھ یکجہتی کا اظہار کرنے

کی اپیل کی ہے۔امدادی سرگرمیوں کے لیے Volunteers.aeپر رجسٹریشن کرائی جاسکتی ہے۔