اسلام آباد (این این آئی) پاکستان تحریک انصاف کے رہنما فواد چوہدری کو پاکستانی کرکٹ ٹیم کے ہاتھوں بھارت کو شکست کے بعد اپنا سابقہ ٹوئٹ مہنگا پڑ گیا۔گزشتہ روز پاکستان اور بھارت کے درمیان سنسنی خیز مقابلہ ہوا جس میں پاکستان نے بھارت سے 5 وکٹوں سے میچ جیت کر پرانی شکست کا بدلہ اتارا تاہم مسلم لیگ ن نے فواد چوہدری کا ایک پرانا ٹوئٹ ری ٹوئٹ کرتے ہوئے چھکا مار دیا۔پاکستان کی جیت کے بعد مسلم لیگ ن کے تصدیق شدہ پیج پر فواد چوہدری کا پرانا ٹوئٹ’یہ ٹیم کا قصور نہیں امپورٹڈ حکومت ہی منحوس ہے’ ری ٹوئٹ کرتے ہوئے فواد چوہدری کو آرے ہاتھوں لے لیا اور پوچھا گیا کہ اْنہیں ٹشو پیپر تو نہیں چاہیے؟