لاہور( این این آئی)وزیراعلی پنجاب چودھری پرویز الٰہی نے کہاہے کہیہ وقت سیاست سے اوپر سوچنے کا ہے،اصل سیاست اس وقت دکھی انسانیت کی خدمت ہی ہے جو عمران خان کی قیادت میں ہم کررہے ہیں،بدقسمتی سے پی ڈی ایم کی جماعتیں موجودہ حالات میں بھی سیاست چمکا رہی ہیں،
مخالفین کا بے حس رویہ ظاہر کرتا ہے کہ ان کے نزدیک مصیبت زدہ بہن بھائیوں کی کوئی قدر نہیں،حکومت پنجاب متاثرین کی مدد کے لئے تمام ممکنہ وسائل مہیا کررہی ہے،مصیبت میں گھرے بہن بھائیوں کی مدد ہم سب کی مشترکہ ذمہ داری ہے۔ ان خیالا ت کااظہارانہو ں نے سینئر سیاستدان نذیر احمد جٹ سے ملاقات کے موقع پر گفتگوکر تے ہوئے کیا یاد رہے کہ نذیر احمد جٹ رکن قومی اسمبلی عائشہ نذیر جٹ او رعارفہ نذیر جٹ کے والد ہیں۔ انہو ں نے کہاکہ یہ وقت اختلافات بھلا کر مصیبت زدہ بہن بھائیوں کی مدد کرنے کا ہے،متاثرین سیلاب کی مدد کے لئے آگے آنا عبادت سے کم نہیں،سیلاب متاثرہ علاقوں میں وبائی امراض کی روک تھام کیلئے خصوصی میڈیکل کیمپس کی تعداد میں اضافہ کیا ہے۔ میڈیکل کیمپس میں ضروری طبی سہولتیں اور وبائی امراض سے بچا کی ادویات وافر موجود ہیں۔ انہو ں نے کہاکہ میری ہدایت پر چیف سیکرٹری کامران افضل ایک بار پھر متاثرہ علاقوں میں موجود ہیں جبکہ متاثرین کی بحالی کے اقدامات کی خود نگرانی کر رہا ہوں۔
