اسلام آباد (این این آئی)ایف آئی اے سائبر کرائم سرکل اسلام آباد نے جعل سازی میں ملوث ملزم فائز علی گرفتار کرلیا ۔ ترجمان ایف آئی اے کے مطابق ملزم نے خود کو سپریم کورٹ آف پاکستان کا جج ظاہر کرتا تھا،متعدد سرکاری افسران اور حکومتی نمائندوں کو دھوکہ دہی سے اختیارات کا ناجائز استعمال کرنے کے لئے اکسایا اور عام عوام سے پیسے بٹورے۔ترجمان ایف آئی اے کے مطابق کرمنل ریکارڈ کے مطابق ملزم کے خلاف سائبر کرائم سرکل کراچی میں بھی مقدمہ زیر تفتیش ہے۔ترجمان ایف آئی اے کے مطابق ایف آئی اے سائبر کرائم سرکل اسلام آباد نے ملزم کے خلاف پیکا ایکٹ کے تحت درج مقدمہ درج کر لیا،مقدمے کی مزید تفتیش شروع کر دی گئی ۔