پیر‬‮ ، 07 اپریل‬‮ 2025 

ضمنی الیکشن، پی ٹی آئی رہنما کی پریذائیڈنگ افسر کو تھپڑ مارنے کی دھمکی

datetime 21  اگست‬‮  2022
ہمارا واٹس ایپ چینل جوائن کریں

کراچی(این این آئی)این اے 245 میں ضمنی انتخاب کے دورے کے موقع پر تحریک انصاف کے رہنما جمال صدیقی نے پریذائیڈنگ افسر کو تھپڑ مارنے کی دھمکی دے دی۔قومی اسمبلی کے حلقے این اے245 میں ضمنی الیکشن میں پولنگ کے دوران

تحریک انصاف کے امیدوار محمود مولوی اور سابق گورنر سندھ عمران اسماعیل کے ہمراہ پی ٹی آئی کے رہنما اور پی ایس 106 سے رکن صوبائی اسمبلی جمال صدیقی نے بھی حلقے کا دورہ کیا۔پی ٹی آئی رہنما جمال صدیقی کی ویڈیو وائرل ہوئی ہے جس میں وہ اپنے ساتھیوں اور کارکنان کے ہمراہ پریذائیڈنگ افسر کا پوچھتے ہیں کہ پریذائیڈنگ افسر کہاں بیٹھتا ہے۔ویڈیو میں واضح طور پر سنا اور دیکھا جاسکتا ہے کہ کارکنان جمال صدیقی کو پریذائیڈنگ افسر کے کمرے کی طرف اشارہ کرکے بتارہے ہیں کہ وہ یہاں بیٹھا ہے۔ جس پر جمال صدیقی با آواز بلند کہتے ہیں دیکھنا ابھی پریذائیڈنگ افسر کو چماٹ مارتا ہوں۔جمال صدیقی کے ساتھ محمود مولوی اور عمران اسماعیل بھی موجود تھے۔ دوسری جانب الیکشن کمشنر سندھ کی جانب سے سیاسی جماعت کی جانب سے لگائے گئے الزام کی تردید کرتے ہوئے کہا گیا ہے کہ تمام پریزائیڈنگ افسران سرکاری ملازم ہیں اور ان کی تعیناتی قانون کے مطابق کی گئی ہے۔اتوارکو کراچی میں قومی اسمبلی کے حلقے این اے 245 کراچی میں ہونے والے ضمنی انتخاب کے موقع پر سیاسی جماعت کے سربراہ کی طرف سے لگائے گئے الزام پر الیکشن کمیشن سندھ کی جانب سے شدید تردید کی گئی ہے۔ اپنے بیان میں چیف الیکشن کمشنر سندھ اعجاز انور چوہان نے کہاکہ

ایم کیو ایم کے کارکنوں کو پریزائیڈنگ آفیسرز لگانے کا بیان سراسر غلط اور بے بنیاد ہے۔انہوں نے کہا کہ تمام پریزائیڈنگ افسران سرکاری ملازم ہیں، اور ان کی تعیناتی قانون کے مطابق کی گئی ہے۔واضح رہے کہ پاک سرزمین پارٹی کے سربراہ اور سابق میئر کراچی مصطفی کمال کی جانب سے الزام عائد کرتے ہوئے کہا گیا تھا کہ شہباز حکومت چلانے کیلئے کراچی کو ایم کیو ایم اور پیپلزپارٹی کے پاس

گرودی رکھ دیا گیا ہے، ایم کیو ایم کے کارکنوں کو پریزائیڈنگ آفیسر بنا دیا گیا ہے۔مصطفی کمال نے کہا کہ پیپلز پارٹی نے ایم کیو ایم کے حق میں اپنا امیدوار دستبردار کردیا، پولیس والے مہاجرماں بہنوں سے بدتمیزیاں کر رہے ہیں، نومبر میں اہم فیصلے ہونے ہیں،اس لئے کھلی چھوٹ دی ہوئی ہے۔ پی ایس پی سربراہ نے پیش گوئی کرتے ہوئے کہا کہ ایم کیوایم والوں کا ہنی مون ٹائم نومبر تک ہے، ایم کیو ایم پیپلز پارٹی کے ذریعے ہمارے کارکنوں کو اٹھوا رہی ہے۔ ہم مطالبے کرتے ہیں کہ فی الفور ہمارے کارکنوں کو رہا کیا جائے۔مصطفی کمال کے مطابق ابھی فیصلے کر کے شہر کو ایم کیو ایم اور پی پی سے آزاد کرایا جائے۔ دسمبر میں شدید سردی پڑیگی،اچھل کود کرنے والے ساکت ہوجائیں گے۔ ہم اخلاقی طور پر یہ الیکشن جیت چکے ہیں۔

موضوعات:



کالم



زلزلے کیوں آتے ہیں


جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…