اسلام آباد (مانیٹرنگ ڈیسک /آن لائن /این ین آئی )پاکستان تحریک انصاف کے رہنما شہباز گل کی پمز ہسپتال کی ایک اور ویڈیو منظر عام پر آگئی ہے۔منظر عام پر آنے والی ویڈیو میں شہباز گل کو پمز اسپتال میں اپنے کمرے میں ہشاش بشاش دیکھا جا سکتا ہے۔ویڈیو میں سنا جا سکتا ہے کہ پمز ہسپتال میں اٹینڈنٹ نے شہباز گل سے پوچھا، مٹن ٹھیک ہے، مٹن کھا لیں گے؟

شہباز گل نے جواب دیا کہ کچھ بھی لا کے دے دو، اس وقت جو دو گے میں کھالوں گا۔اٹینڈنٹ نے شہباز گل سے پوچھا، پانی چاہیے آپ کو؟ جس پر شہباز گل کہتے ہیں کہ پانی یہاں پڑا ہوا ہے۔پی ٹی آئی رہنما نے کہا کہ جب آپ مجھے کھانا دیں گے اْس کے فوراً بعد نیبولائز کرنا ہے۔یاد رہے کہ گزشتہ روز پریس کانفرنس کے دوران وزیر اطلاعات مریم اورنگزیب نے شہباز گل کی پمز ہسپتال کے کمرے کی ایک ویڈیو چلائی تھی جس میں انہیں ہشاش بشاش اور پولیس اہلکاروں سے گفتگو کرتے دکھایا گیا تھا۔۔قبل ازیں وفاقی وزیر اطلاعات مریم اورنگزیب نے بغاوت کے مقدمے میں گرفتار تحریک انصاف کے رہنما شہباز گل کی پمز اسپتال کے کمرے کی چہل قدمی اور مطالعہ کی تازہ ترین ویڈیو صحافیوں کو دکھا دی۔ اسلام آباد میں پریس کانفرنس کرتے ہوئے مریم اورنگزیب کا کہنا تھاکہ تین دن سے بغیر تحقیقات کے پروپیگنڈا چل رہا ہے اور شہبازگل کا نام لگا کر سوشل میڈیا اور میڈیا پر ویڈیوز چلائی جارہی ہیں۔انہوں نے کہا کہ شہبازگل کے خلاف ایک مقدمہ درج ہے اور پروپیگنڈا جاری ہے کہ ان سے زیادتی ہوئی، کیمرہ دیکھتے ہی پروپیگنڈا شروع ہوجاتاہے، شہبازگل پر کوئی تشدد نہیں ہوا۔ان کا کہنا تھاکہشہباز گل سے منسوب سوشل میڈیا پر ویڈیو چکوال میں زیادتی کرنے والے شخص کی ہے، غلط ویڈیوز چلانا سائبر کرائم کے زمرے میں آتاہے اورسوشل میڈیا پر طوفانِ بدتمیزی جاری ہے۔مریم کا کہنا تھاکہ پی ٹی آئی کا اصل مقصد کہانی بدلنا ہے، کیا کسی نے تشدد کی اصل ویڈیوز دیکھی ہیں؟

وفاقی وزیر نے شہبازگل کی ہسپتال کے کمرے کی ویڈیو چلوادی اور بتایا کہ شہبازگل کی یہ ویڈیو ایک گھنٹے پہلے کی ہے کہ وہ ٹھیک ٹھاک کھڑے باتیں کررہے ہیں۔ان کا کہنا تھاکہ شہبازگل کتابیں پڑھ رہے ہیں، چہل قدمی اور پولیس سے گفتگو کررہے ہیں، شہبازگل کا آکسیجن کا ماسک کہاں گیا؟وفاقی وزیر اطلاعات مریم اورنگزیب نے کہا کہ پچھلے تین چار دن سے ٹی وی چینلز پر بغیر کسی تحقیقات کے صرف اور صرف جھوٹ بولا جا رہا ہے

شہباز گل کی فیک ویڈیو چلائی جا رہی ہے پروپیگنڈا مشینری صرف جھوٹ بولنا جانتی ہے، اسی کو بنیاد بنا کر میڈیا اور سوشل میڈیا پر اسے چلایا جا رہا ہے۔ انھوں نے کہا کہ شہباز گل کے خلاف اے آر وائی پر عمران خان کا سکرپٹ پڑھنے کا مقدمہ ہے شہباز گل نے اے آر وائی پر اپنے بیپر میں اداروں کے درمیان بغاوت کی کال دی آئین میں دی گئی یہ ریڈ لائنز ہیں

جس کی شہباز گل نے خلاف ورزی کی اسی بنیاد پر ان کے خلاف مقدمہ قانون کے مطابق درج ہوامقدمہ درج ہونے کے بعد انہیں حراست میں لیا گیا اور تحقیقات شروع ہو گئیں اس مقدمہ کی وجوہات سے نظر ہٹانے کے لئے عمران خان پروپیگنڈا کر رہے ہیں ہم واضح کرنا چاہتے ہیں کہ کسی پر بھی تشدد نہیں ہونا چاہئیشہباز گل کے کیس میں تشدد نہیں ہوا، اس حوالے سے صرف پروپیگنڈا کیا جا رہا ہے شہباز گل کے سامنے جب کیمرہ آتا ہے

تو وہ ایکٹنگ شروع کر دیتے ہیں چکوال میں ایک ریپسٹ کی ویڈیو ہے جس کو شہباز گل کی ویڈیو سے جوڑا جا رہا ہے چکوال کے اس ریپسٹ نے ایک بچے کو زیادتی کا نشانہ بنایا جس کے بعد مقامی لوگوں نے اس شخص پر تشدد کیایہ آدھی ویڈیو چلوا کر کہہ رہے ہیں کہ یہ شہباز گل کی ویڈیو ہے اور انہیں زیادتی کا نشانہ بنایا گیا ہے غلط ویڈیوز اور تصاویر چلانا سائبر کرائم کے زمرے میں آتا ہے

اس پروپیگنڈے کو اظہار رائے کے ساتھ جوڑنے کی کوشش کی جا رہی ہے عدالت کے حکم کے مطابق ایک انکوائری ہو رہی ہے جس کے تمام شواہد وزیر داخلہ بہت جلد میڈیا کے سامنے پیش کریں گے سوشل میڈیا پر غلط اور اخلاق سے گری ہوئی آدھی ویڈیوز چلا کر طوفان بدتمیزی برپا کیا جا رہا ہے یہ بیانیہ عمران خان نے شروع کیا ہے، ان کا مقصد اپنی کہانی کو بدلنا ہے جو کہانی ان کے خلاف ہو کہ لسبیلہ کے ہیلی کاپٹر کے

شہداء کے خلاف گندی اور گھٹیا مہم چلائی، پاکستان تحریک انصاف کے ٹرولز پکڑے گئے عمران خان کے کہنے پر شہباز گل نے اے آر وائی کا پلیٹ فارم استعمال کر کے سکرپٹڈ بیپر دیا ان کا مقصد اس کہانی کو بدلنا ہے کہ شہباز گل نے کیا کیا ہے، شہباز گل نے جو کیا ہے وہ عمران خان کے حکم پر کیا ہے عمران خان نے کہا کہ شہباز گل پر زیادتی کی جا رہی ہے سوشل میڈیا پر بغیر تحقیقات کے اس معاملے پر پروپیگنڈا کیا گیا،

کیا کسی نے اصل ویڈیو اور تصاویر دیکھیں یہ پروپیگنڈا عمران خان اپنی اس کہانی کو بدلنے کی کوشش کے لئے کر رہے ہیں جس کے تانے بانے عمران خان سے ملتے ہیں عمران خان نے اپنی فارن فنڈنگ سے نظر ہٹانے کے لئے مہم چلوائی عمران خان کا لسبیلہ میں ہیلی کاپٹر کے شہداء کے خلاف ٹرولنگ اور شہباز گل کے خلاف تشدد کا پروپیگنڈا کرنا صرف اپنی کہانی سے نظر ہٹوانے کیلئے ہے

اس موقع پر ویڈیو شہباز گل ہشاش بشاش نظر آ رہے ہیں۔دوسری جانب تحریک انصاف کے رہنما شہباز گل کا میڈیکل بورڈ تبدیل کر دیا گیا۔ذرائع کے مطابق شہباز گل کے علاج معالجے کے لیے قائم نئے میڈیکل بورڈ میں ایک تبدیلی کی گئی ہے

جس کے مطابق بورڈ میں شامل ڈاکٹر عاطف انعام شامی کو کچھ وجوہات کی بناء پر بورڈ سے نکال دیا گیا ہے اور اس کی جگہ پمزہسپتال کے جنرل سرجن ڈاکٹر طارق عبداللہ کو شامل کیا گیا ہے۔واضح رہے کہ شہباز گل کے علاج کے لیے 4 رکنی میڈیکل بورڈ گزشتہ روز قائم کیا گیا تھا۔