اسلام آباد (مانیٹرنگ ڈیسک) تحریک انصاف کے رہنما فواد چوہدری کا کہناہے کہ تحریک انصاف کی سینئر لیڈر شپ کی میٹنگ ہوئی جس میں اہم فیصلے کئے گئے، نجی ٹی وی جیو نیوز کے مطابق فواد چوہدری کا کہنا تھا کہ شہباز گل پر بہیمانہ تشدد کی مذمت کرتے ہیں، ان کا کہنا تھا کہ اطلاعات پریشان کن ہیں، اطلاعات ہیں کہ ذہنی اور جسمانی تشدد کے ساتھ ساتھ زیادتی بھی کی گئی، ان کا کہنا تھاکہ شہباز گل کو برہنہ کرکے تشدد کیا گیا، ان کا کہنا تھا کہ کسی جماعت کا شخص ہو اس پر تشدد ناقابل برداشت ہے، ان کا کہنا تھا کہ شہادتیں، جن میں سرٹیفکیٹس اور تصویریں شامل ہیں وہ متعلقہ حکام کو دی جا رہی ہیں۔