حمزہ شہباز نے وطن واپسی موخر کر دی
اسلام آباد ( آن لائن)سابق وزیراعلی پنجاب حمزہ شہباز شریف نے وطن واپسی موخرکر دی۔
ذرائع نے بتایا کہ حمزہ شہباز کی اکلوتی بیٹی سماویہ کی طبیعت مزید ناساز ہوگئی ہے ۔
سماویہ کولندن میں طبیعت خرابی پر مقامی ہسپتال منتقل کر دیا گیا،2019 میں پیدا ہونے والی سماویہ بچپن سے ہی عارضہ قلب میں مبتلا ہے۔
پیدائش کے بعد بھی ان کی سرجری کی گئی تھی۔یاد رہے کہ حمزہ شہباز بیٹی کی عیادت کے لیے 4 اگست کو لندن روانہ ہوئے تھے۔
حمزہ شہباز کی ایک دو روز میں وطن واپسی طے تھی تاہم بیٹی کی طبیعت ناساز ہونے پر حمزہ شہباز نے لندن میں مذید قیام کا فیصلہ کیا ہے۔
شریف خاندان نے عوام سے سماویہ کی جلد صحت یابی کیلئے دعا کی اپیل کی ہے۔
