مری میں شدید ٹریفک جام، وزیراعلیٰ پنجاب نے سی ٹی او راولپنڈی کوفی الفور مری پہنچنے کا حکم دے دیا

لاہور(این این آئی)وزیراعلیٰ پنجاب چودھری پرویز الٰہی نے مری میں ٹریفک کی روانی کو بہتر بنانے کاحکم دیا ہے-

وزیراعلیٰ چودھری پرویز الٰہی نے اس ضمن میں کمشنر راولپنڈی اور آرپی او راولپنڈی کو ہدایات جاری کر دی ہیں –

وزیراعلیٰ چودھری پرویز الہٰی نے سی ٹی او راولپنڈی کو فی الفور مری پہنچنے کی ہدایت کی-وزیراعلیٰ نے کہاکہ

مری میں ٹریفک رواں دواں رکھنے کے لئے تمام ضروری اقدامات اٹھائے جائیں – انتظامیہ اورٹریفک حکام

ملکرموثرٹریفک مینجمنٹ پلان پر عملدرآمد یقینی بنائیں۔ سینئرپولیس و انتظامی افسران خود فیلڈ میں رہ کر ٹریفک انتظامات کو بہتر بنائیں۔

انہوں نے کہاکہ تعین کردہ حد سے زائد گاڑیوں کو مری میں داخلے کی قطعاً اجاز ت نہ دی جائے-

سیاحوں کی آمدورفت کو موثر ٹریفک مینجمنٹ کے ذریعے ریگولیٹ کیاجائے اوربہترین ٹریفک مینجمنٹ کر کے سیاحوں کو سہولت فراہم کی جائے-