ملتان(این این آئی)قومی اسمبلی کے حلقہ این اے 157 میں ضمنی انتخاب کے سلسلے میں کاغذات نامزدگی جمع کرانے کا جمعہ کو آخری دن تھا اور 12 امیدواروں نے کاغذات جمع کرائے۔ڈسٹرکٹ ریٹرننگ آفیسر کے مطابق پاکستان تحریک انصاف کی مہر بانو قریشی نے کاغذات جمع کرائے، پاکستان پیپلز پارٹی کے علی موسیٰ گیلانی نے بھی کاغذات جمع کرائے۔ڈسٹرکٹ ریٹرننگ افسر کے مطابق مجموعی طور پر 12 امیدواروں نے کاغذات نامزدگی جمع کرائے۔یہ سیٹ پاکستان تحریک انصاف کے سابق ایم این اے زین قریشی کے استعفے سے خالی ہوئی تھی۔این اے 157 کے ضمنی انتخاب کیلئے پولنگ 11 ستمبر کو ہو گی۔