لاہور، سیول (مانیٹرنگ ڈیسک، این این آئی ) ٹک ٹاک پر دوستی کا بھیانک انجام، لاہور کے رہائشی نوجوان نے جہلم کی رہائشی لڑکی کو شادی کا جھانسہ دیکر ملاقات کے بہانے بلا کر زیادتی کا نشانہ بنا ڈالا۔ جنگ اخبار کی رپورٹ کے مطابق متاثرہ لڑکی زینب کی درخواست پر
تھانہ سول لائنز میں مقدمہ درج کر لیا گیا۔پولیس کے مطابق دھرم پورہ کے رہائشی تیمور سے زینب کی ٹک ٹاک پر دوستی ہوئی،ملزم نے شادی کا جھانسہ دیکر زینب کو جہلم سے لاہور بلایا اورایک ہوٹل میں لیجاکر زیادتی کرڈالی۔دوسری جانب دنیا بھر میں تیزی سے مقبول ٹک ٹاک اپنے صارفین کی ویڈیو کو وسعت دینے میں کوشاں ہے اور اس ضمن میں آٹوکیپشن اور حقیقی وقت میں ویڈیو ترجمے کے نئے بہترین آپشن پیش کررہا ہے۔ میڈیارپورٹس کے مطابق ٹک ٹاک کا مقصد یہ ہے ایک زبان میں جاری کردہ ویڈیو عالمی سطح پر دیگر افراد بھی دیکھ سکیں اور اپنے نئے صارفین تلاش کرسکیں۔ ٹک ٹاک کے مطابق آٹو کیپشن دائیں ہاتھ پر دکھائی دیں گے جسے دیکھنے اور پڑھنے میں سہولت حاصل ہوگی۔لیکن ٹک ٹاک نے اگلی سہولت سے بھی لوگوں کو حیران کرنے کی ٹھانی ہے اور وہ یہ ہے کہ ٹیکسٹ اسٹیکر یا اوولے سے ویڈیو کا براہِ راست ترجمہ بھی ہوتا رہے گا۔ اس طرح ویڈیو میں بولی جانے والی زبان سے ناآشنا افراد بھی جان سکیں گے کہ ویڈیو میں کیا کہا جارہا ہے۔ یوں ٹک ٹاکرز اپنی ویڈیو کو وسعت دے کر نئی مارکیٹ تلاش کرسکیں گے۔
