کراچی (این این آئی)پاکستان کی معروف ٹک ٹاکر جنت مرزا اور ان کی بہنوں علشبہ اور سحر نے بیوٹی پارلر کھول کر کاروباری دنیا میں قدم رکھ دیا۔ انسٹاگرام پر وائرل ویڈیو میں دیکھا جاسکتا ہے کہ جنت مرزا اور ان کی بہنوں نے فیصل آباد میں بیوٹی پارلر کھول لیا ہے۔افتتاحی تقریب کی تصاویر میں دیکھا جاسکتا ہے کہ تقریب میں ان کے ہمراہ ان کی فیملی بھی موجود ہے۔ان کے پارلر کی افتتاحی تقریب میں ڈاکٹر مدیحہ، کنول آفتاب ، چوہدری ذوالقرنین سمیت کئی پاکستانی معروف ٹک ٹاکرز نے شرکت کی۔سوشل میڈیا صارفین کی جانب سے تینوں بہنوں کو نئے کاروبار کے آغاز پر مبارکباد بھی پیش کی گئی۔جنت مرزا کے ٹک ٹاک پر 19ملین سے زائد اور انسٹاگرام پر 3ملین سے زائد فالورز ہیں، اس کے علاوہ جنت مرزا نے حال ہی میں پاکستانی فلم میں بھی اداکاری کے جوہر دکھائے ہیں۔