اسلام آباد (این این آئی)معروف گلوکار اور سیاستدان جواد احمد نے پاکستان تحریک انصاف کے چیئرمین اور سابق وزیر اعظم عمران خان کو ایک بار پھر سخت تنقید کا نشانہ بنا تے ہوئے کہاہے کہ منافق عمران پاکستان کو غاروں کے زمانے میں لیکر جا رہا ہے۔ اپنے بیان میں جواد احمد نے سوالیہ انداز میں لکھا کہ اب ملک سیاسی جماعتوں کو نہیں بلکہ عدلیہ اور اسٹیبلشمنٹ کو مل کر چلاناچاہیے؟’گلوکار نے لکھا جو دیوارپر لکھاگیاہے افسوس کہ وہ ابھی بھی کوئی پڑھ نہیں پا رہا۔انہوں نے سوشل میڈیا پر جاری اپنے بیان میں کہا کہ عمران خان جیسے عفریت کو جیسے اس ملک پر مسلط کیاگیا ہے، وہ میرے جیسا محب الوطن و انسانیت برداشت نہیں کرپا رہا۔جواد احمد نے اپنی ٹوئٹ میں لکھا کہ منافق عمران پاکستان کو غاروں کے زمانے میں لیکرجا رہاہے۔