اسلام آباد (این این آئی)ماہر قانون نتاشا کمال نے کہاہے کہ سرکاری کمپنیوں کے 119 ارب ڈالر کے اثاثے ہیں ،سرکاری کمپنیوں کو حکومت نے 12.8 ارب ڈالر کا قرضہ دیا ہوا ہے ،وفاقی حکومت کا سرکاری کمپنیوں کی کارکردگی پر سخت کنٹرول نہیں ۔سیمینار سے خطاب کرتے ہوئے انہوںنے کہاکہ سرکاری کمپنیوں کے 119 ارب ڈالر کے اثاثے ہیں ،سرکاری کمپنیوں کو حکومت نے 12.8 ارب ڈالر کا قرضہ دیا ہوا ہے ،وفاقی حکومت کا سرکاری کمپنیوں کی کارکردگی پر سخت کنٹرول نہیں ہے ۔ انہوںنے کہاکہ سرکاری کمپنیوں کو کنٹرول کرنے کیلئے وفاقی حکومت کے پاس کوئی قانون نہیں حکومت ان کمپنیوں کی مالک ہے مگر چلانے کیلئے کوئی پلان نہیں ہے۔ انہوںنے کہاکہ سرکاری کمپنیوں میں کارپوریٹ گورننس قوانین کے اطلاق کا برا حال ہے ،نیپرا بجلی ٹیرف مقرر کرتا ہے مگر ڈسکوز کی صلاحیت جانچنے کا قانون موجود نہیں ہے۔