کراچی (این این آئی)سابق گورنر سندھ عمران اسماعیل نے بجلی کی قیمتوں میں اضافے کو مسترد کرتے ہوئے کہا ہے کہ ملک کو دیوالیہ کرنے کے بعد یہ ٹبر ملک سے فرار ہوجائیگا۔سابق گورنر سندھ اور پی ٹی آئی رہنما عمران اسماعیل نے سماجی رابطوں کی ویب سائٹ ٹوئٹر پر اپنے ردعمل کا اظہر کرتے ہوئے بجلی کی قیمتوں میں اضافے کی شدید مذمت کرتے ہوئے لکھا کہ امپورٹڈ حکومت کا بجلی کی قیمتوں میں پھر سے اضافہ شرمناک عمل ہے،ہم بجلی کی قیمتوں میں اضافے کو مسترد کرتے ہیں۔سابق گورنر نے لکھا کہ ایسے وقت میں جب عوام بارشوں کی تباہ کاریوں سے پریشان تھی، بجلی کے نرخ بڑھا کر خاموشی سے واردات کی گئی۔پی ٹی آئی رہنما نے کہا کہ ملک کو دیوالیہ کرنے کے بعد یہ ٹبر ملک سے فرار ہوجائے گا۔