اسلام آباد (این این آئی)سینئر اداکارہ عفت عمر نے گزشتہ روز ڈپٹی اسپیکر پنجاب اسمبلی کی رولنگ سے متعلق کیس میں حکومتی اتحادی کے فل کورٹ کے مطالبے کو مسترد کیے جانے پر ردعمل کا اظہار کرتے ہوئے کہاہے کہ عجیب زبردستی ہے کہ ہم ہی فیصلہ کرینگے۔ٹوئٹر پر جاری بیان میں عفت عمر نے لکھا کہ یہ عجیب دھونس زبردستی ہے کہ ہم ہی فیصلہ کریں گے، بھئی آپ کی جانبداری ریجیکٹڈ ہے۔ عفت عمر نے ٹوئٹ میں لکھا کہ سیاستدان ایسی کارروائی کا بائیکاٹ ہی کر سکتا ہے، خون بہا کر مْکے لہرانے یا بال نوچ کر نظربندیاں تو کرنے سے رہے۔