اسلام آباد(مانیٹرنگ ڈیسک /آن لائن)ڈپٹی سپیکر پنجاب اسمبلی رولنگ کیس میں فیصلے سے قبل سپریم کورٹ کی سیکیورٹی انتہائی سخت کر دی گئی رینجرز اور پولیس کی بھاری نفری سپریم کورٹ کے داخلی راستوں اور اندر تعینات کی گئی۔ جبکہ قیدیوں کی گاڑی اور 2 بکتر بند گاڑیاں بھی سپریم کورٹ کے باہر موجود ہیں ۔ سخت چیکنگ کے بعد میڈیا اور سول سوسائٹی کے نمائندوں کو اندر جانے کی اجازت دی گئی۔ میڈیا کے بہت سارے نمائندگان جن کے پاس اداروں کے شناختی دستاویز نہیں تھی انھیں سپریم کورٹ کے اندر جانے کی اجازت نہیں ملی۔ شاہراہ دستور پر سیاسی جماعتوں کے کارکنان بھی موجود تھے