لاہور(مانیٹرنگ ڈیسک) صوبائی دارلحکومت لاہور میں چینی خاتون کو اس کے اپنے سیکیورٹی گارڈ نے ہی لوٹ لیا ۔ ڈیلی ڈان کے مطابق ان سکیورٹی گارڈز کا تعلق ایک پرائیویٹ فرمز سے تھا جنہیں ڈیفنس پولیس نے گرفتار کر لیا ہے۔ملزمان نے خاتون سے 2لاکھ روپے نقدی اور ایک موٹرسائیکل لوٹی تھی۔ ملزمان کی شناخت اسامہ اور جواد کے ناموں سے ہوئی ہے۔ خاتون نے بتایا کہ اس کے گارڈ نے گن پوائنٹ پر محبوس کیا اور پائوں رسیوں سے باندھ کر ایک کمرے میں بندکر دیا ۔ ملزمان گھر سے 2لاکھ کیش اور موٹر سائیکل لے کر فرارہوئے ہیں ۔