پشاور (این این آئی)پاکستان تحریک انصاف کے خیبر پختونخوا اسمبلی کے رکن آصف خان نے اسپتال میں گن مین کے ساتھ انٹری دے دی۔میڈیارپورٹ کے مطابق پی ٹی آئی رہنما کی اس طرح ہسپتال آمد سے اسپیشل کیئر یونٹ (آئی سی یو) کے مریض اور عملہ تشویش میں مبتلا ہوگیا۔آصف خان نے مسلح گارڈز کے ساتھ اسپتال میں داخل ہونے پر منع کرنے والے عملے سے بدتمیزی کی۔صوبائی وزیر صحت تیمور سلیم جھگڑا نے اس معاملے پر تبصرہ کیا کہ رکن اسمبلی کا گن مین عیادت کی ویڈیو بھی بنا رہا تھا، یہ قواعد کی خلاف ورزی ہے۔

موضوعات:پی ٹی آئی رکن اسمبلی