اسلام آباد (این این آئی)پاکستان تحریک انصاف کے چیئر مین عمران خان نے سوشل میڈیا پر مرزا غالب سے منسوب کر کے شعر ٹوئٹ کیا لیکن غلطی کا احساس ہونے پر اپنا ٹوئٹ ڈیلیٹ کردیا
۔پی ٹی آئی چیئرمین نے سماجی رابطے کی ویب سائٹ پر جو شعر پوسٹ کیا وہ مرزا غالب کا نہیں۔سابق وزیراعظم ماضی میں بھی غلط لوگوں سے منسوب کر کے اپنی ٹوئٹ ڈیلیٹ کر چکے ہیں۔
عمران خان نے سوشل میڈیا پر مرزا غالب سے منسوب کر کے جو شعر لکھا وہ کچھ اس طرح تھا”معلوم نہ تھا، اتنا کچھ ہے گھر میں بیچنے کے لیے،
زمین سے لے کر ضمیر تک سب بک رہا ہے“۔شعر کو بنیاد بنا کر پی ٹی آئی چیئرمین نے کہا کہ جب قومیں اپنے نظریات اور مقصد حیات سے دور ہوجائیں تو وہ ناکام ہوجاتی ہیں۔
انہوں نے کہا کہ مرزا غالب نے یہ الفاظ اس وقت کہے جب ہم برطانوی غلامی میں جانے والے تھے
مگر امریکی سازش سے آنے والی امپورٹڈ حکومت کے اقدامات نے ثابت کردیا کہ یہ بات آج بھی سچ ہے۔
