لاہور(این این آئی) ٹرانسپورٹرز نے اپنے مطالبات کے حق میں 2 اگست کو پہیہ جام ہڑتال کی کال دے دی۔چیئرمین ٹرانسپورٹ ایکشن کمیٹی عصمت اللہ نیازی نے دیگر عہدیداروں کے ہمراہ میڈیا سے گفتگو کرتے ہوئے کہا کہ ٹوکن ٹیکس،ٹول ٹیکس اور انکم ٹیکس میں بے جا اضافے کے بعد ٹرانسپورٹرز کے لئے کاروبار چلانا ممکن نہیں رہا۔ حکومت کے سامنے مطالبے رکھے ہیں لیکن شنوائی نہیں ہوئی۔ ایکشن کمیٹی نے مطالبات کے حق میں 2اگست سے پہیہ جام ہڑتال کی کال دی ہے اور جب تک حکومت کی جانب سے مطالبات تسلیم نہیں ہوتے ہڑتال جاری رہے گی۔