وزیراعلیٰ پنجاب کا معاملہ، حکومتی اتحاد نے بڑا فیصلہ کر لیا
لاہور(این این آئی)حکمران اتحاد نے فل کورٹ کی تشکیل کیلئے سپریم کورٹ میں پٹیشن دائر کرنے کا فیصلہ کرلیا۔
حکومتی اتحادی اور پی ڈی ایم کی جماعتوں نے مشترکہ فیصلہ کرتے ہوئے فل کورٹ تشکیل دینے کے لئے سپریم کورٹ میں
پٹیشن دائر کرنے کا فیصلہ کیا ہے، حکومتی اتحادی اور پی ڈی ایم کی جماعتوں کے قائدین پیر کی صبح ساڑھے 10 بجے
مشترکہ پریس کانفرنس میں اہم اعلان کریں گے۔پی ڈی ایم کی جماعتوں اور حکومتی اتحادی قائدین پریس کانفرنس کے بعد
اپنے وکلا ء کے ہمراہ مشترکہ طور پر سپریم کورٹ جائیں گے، وزیر اعلی پنجاب کے انتخاب، سپریم کورٹ بار کی نظر ثانی
درخواست اور متعلقہ درخواستوں کی ایک ساتھ سماعت کرنے کی استدعا کی جائے گی۔پاکستان مسلم لیگ (ن)،پیپلز پارٹی،
جے یو آئی (ف)، ایم کیوایم، اے این پی، بی این پی، باپ سمیت دیگر اتحادی جماعتیں بھی درخواست گزاروں میں شامل ہوں گی۔
