حمزہ شہباز کو منفرد اعزاز حاصل

لاہور( این این آئی )حمزہ شہباز نے ایک ماہ 23روز میں پنجاب کی وزارت اعلیٰ کا دوسری بار حلف اٹھایا ۔

حمزہ شہباز نے 16 اپریل کو پنجاب اسمبلی میں کامیابی حاصل کی تھی تاہم گورنر عمر سرفراز چیمہ نے ان سے حلف لینے سے انکار کرتے ہوئے ان کی حلف برداری کئی دنوں تک ملتوی رکھی تھی جس کے بعد لاہور ہائیکورٹ کے حکم پر قومی اسمبلی کے سپیکر راجہ پرویز اشرف نے 30 اپریل کو ان سے حلف لیا تھا۔

حمزہ شہباز کو 22جولائی کو دوبارہ وزیر اعلیٰ کے انتخاب میں کامیابی ملی اور انہوںنے 23جولائی کو دوبارہ وزارت اعلیٰ کے عہدے کا حلف اٹھایا ہے ۔ حمزہ شہباز کو ایک ماہ 23روز میں دو سری بار وزارت اعلیٰ کا حلف اٹھانے کا منفرد اعزاز حاصل ہو گیا ہے۔