اسلام آباد (این این آئی)الیکشن کمیشن نے تحریک انصاف کے چیئرمین عمران خان کی تقریر کا نوٹس لے لیا۔ترجمان الیکشن کمیشن نے کہاکہ عمران خان کی گزشتہ روز لاہور سے نشر کی گئی تقریر کا ٹرانسکرپٹ چیئرمین پیمرا سے منگوالیا گیا ہے۔ الیکشن کمیشن کے ترجمان کا کہنا ہے کہ وقت بتائے گا کہ بددیانت کون ہے۔واضح رہے کہ پاکستان تحریک انصاف کے چیئرمین اور سابق وزیر اعظم عمران خان نے کارکنوں سے براہ راست خطاب کیا تھا۔ جس میں وہ ضمنی الیکشن جیت کر بھی الیکشن کمیشن پر بدستور برہم نظر آئے۔عمران خان کا کہنا تھا کہ جنہوں نے پنجاب ضمنی الیکشن کروایا انہیں سزا دینی چاہیے۔پی ٹی آئی چیئرمین کا کہنا تھا کہ ضمنی الیکشن میں پی ٹی آئی کو ہرانے کا ہر حربہ استعمال کیا گیا۔