کراچی (این این آئی) ماہر معاشیات مزمل اسلم نے کہا ہے کہ مفتاح اسماعیل پاکستان کی تاریخ کے سب سے تباہ کن وزیرخزانہ ہیں۔تفصیلات کے مطابق ماہر معاشیات مزمل اسلم نے ڈالر کی بڑھتی قیمت پر خصوصی گفتگو کرتے ہوئے کہا مفتاح اسماعیل جب

بھی ٹی وی پر آتے ہیں مارکیٹ میں عدم استحکام بڑھ جاتا ہے، ان کے بیانات پیٹرول چھڑکنے کا کام کرتے ہیں۔ماہر معاشیات نے کہا کہ ڈالر بڑھتا جا رہا ہے اور مارکیٹ میں سٹے باز سرگرم ہیں ، مفتاح اسماعیل پاکستان کی تاریخ کے سب سے تباہ کن وزیرخزانہ ہیں۔مزمل اسلم نے کہا کہ کل انہوں نے کہا کہ ڈالر ریٹ پر ہمارا اختیار نہیں ہے جبکہ دو دن پہلے انہوں نے بتایا کہ دس ارب ڈالر دوست ممالک سے آ رہے ہیں اور اب کل بول رہے تھے کہ اربوں ڈالر کی ڈیل ہے راتوں رات تو مکمل نہیں ہو گا ۔ ٹائم لگے گا۔انہوںنے کہا کہ موجودہ حکومت نے مارکیٹ میں اعتماد کا بیڑہ غرق کردیاہے، آئی ایم ایف سے معاہدے پر مبارکباد ایسے لے رہے تھے کہ سب ٹھیک ہوگیا ۔ماہر معاشیات نے مزید کہا کہ آئی ایم ایف سے جلدی پیسے کیلئے پہلے بلاول کو بھیجا اب ایک اور شخص کو بھیجا گیا ہے، طارق فاطمی کوآئی ایم ایف سے بات چیت کرنے کیلئے امریکہ بھیجا ہے۔