کراچی/کوئٹہ (این این آئی)سندھ اور بلوچستان میں مون سون بارشوں کا تیسرا اسپیل اثر انداز ہونا شروع ہوگیا جس کے تحت اندرون سندھ میں گزشتہ رات طوفانی بارش ہوئی

۔محکمہ موسمیات کی جانب سے مون سون کے تیسرے اسپیل کو ایک مضبوط سسٹم قرار دیا جارہا ہے اوریہ سسٹم سندھ میں داخل ہوگیا ہے

جس کے تحت رات گئے سے سندھ کے مختلف علاقوں میں تیز ہوا کے ساتھ موسلادھار بارش ریکارڈ کی گئی۔گزشتہ رات سندھ کے شہر لاڑکانہ میں طوفانی بارش کی ویڈیو سامنے آئی ہے

جس میں تیز ہواں کے ساتھ طوفانی بارش دیکھی جاسکتی ہے۔سکھر سمیت دیگر علاقوں میں ہونے والی بارش سے سیپکو کے 150فیڈرز ٹرپ کرگئے

جس سے لاڑکانہ اور دادو کو بجلی کی فراہمی معطل ہوگی۔دوسری جانب بلوچستان کے علاقوں نصیرآباد،جعفرآباداور ڈیرہ بگٹی میں موسلادھار بارش سے ندی نالوں میں طغیانی آگئی۔