وزیراعلیٰ حمزہ شہباز یا چوہدری پرویز الٰہی، ووٹنگ کا عمل شروع ہو گیا
اسلام آباد (مانیٹرنگ، این این آئی)پنجاب اسمبلی کا اجلاس تاخیر سے شروع ہونے کے بعد اس وقت گنتی کا عمل شروع ہو چکا ہے،
وزارتِ اعلیٰ کی سیٹ کس کے حصے میں آتی ہے ووٹنگ کا عمل شروع ہو چکا ہے۔ دوسری جانب سابق وفاقی وزیر و مسلم لیگ (ق)
کے رہنما مونس الٰہی نے تصدیق کی ہے کہ چوہدری شجاعت نے کہہ دیا ہے عمران خان کے امیدوار کی حمایت نہیں کروں گا۔
نجی ٹی وی کے اینکر پرسن اور سینئر صحافی حامد میر نے دعویٰ کیا کہ مجھ سے ٹیلیفونک گفتگو میں مونس الٰہی نے کہاکہ
میں ماموں کے پاس گیا تھا اور انہوں نے ویڈیوپیغام ریکارڈ کرنے سے انکارکیا اور کہا کہ عمران خان کیامیدوارکی حمایت نہیں کروں گا۔
مونس الٰہی نے کہاکہ میں بھی ہار گیا ہوں، عمران بھی ہار گئے اور زرداری جیت گئے۔وزیراعلیٰ کے انتخاب کے موقع پر پنجاب اسمبلی میں چوہدری شجاعت کے خط کی بازگشت سے قبل مونس الٰہی پنجاب اسمبلی سے چلے گئے تھے۔
