سرگودھا(این این آئی)وفاقی حکومت نے ایڈیشنل آئی جی فیصل شاہکار کو انسپکٹر جنرل پولیس پنجاب لگا دیا۔زرائع کے مطابق گریڈ 22 کے آفسیر ایڈیشنل آئی جی فیصل شاہکار کو آئی جی پنجاب کے عہدے پر تعینات کردیا۔جنہوں نے 1988میں بطور اے ایس پی پاکستان پولیس

سروس کا آغاز کیا اور لگ بھگ تین برس ایڈیشنل آئی جی سپیشل برانچ کے عہدے پر خدمات سر انجام دیں جبکہ ساہیوال اور گوجرانوالہ میں ریجنل پولیس آفیسر کے عہدوں پر بھی پر کام کرتے رہے۔ بتایا گیا کہ فیصل شاہکار تین باراقوام متحدہ مشن پربوسنیا اور لائبریا سمیت دیگر ممالک میں اپنے فرائض اداکر چکے ہیں۔فیصل شاہکار لاہور، شیخوپورہ، ساہیوال، ملتان، پاکپتن، ٹوبہ ٹیک سنگھ، تھرپارکر، ننکانہ اور گوجرانوالہ میں اہم عہدوں پر تعینات رہ چکے اور اے آئی جی آپریشنز،سنٹرل پولیس آفس لاہور میں فرائض ادا کر چکے ہیں۔انہوں نے ڈی آئی جی پولیٹیکل سپیشل برانچ کے عہدے پر بھی دو برس تعینات رہے اوراسٹیبلشمنٹ ڈویژن اسلام آباد اور ڈی آئی جی ویلفیئر پنجاب کے عہدے پر بھی خدمات سر انجام دیں۔ اس وقت فیصل شاہکار وفاق میں خدمات سر انجام دے رہے تھے۔ جن کو ملکی وعالمی سطح پر اہم عہدوں پر فرائض کی ادائیگی کا وسیع تجربہ حاصل ہے اور کا شمار پاکستان پولیس کے انتہائی پروفیشنل، فرض شناس اور تجربہ کار پولیس افسران میں ہوتا ہے۔