لاہور(این این آئی)پاکستان تحریک انصاف کے چیئرمین اور سابق وزیر اعظم عمران خان نے کہا ہے کہ لاہور نہیں چھوڑوں گا اور ہفتے میں 2 دن یہاں قیام کیا کروں گا،یاسمین راشد بہت متحرک ہیں لیکن ان کے طبی معاملات ہیں جس کی وجہ سے حماد اظہر کو پی ٹی آئی پنجاب کی صدارت سونپی جائے گی۔نجی ٹی وی سے گفتگو کرتے ہوئے عمران خان نے کہا کہ نیوٹرلز کو کہا تھا جب عوام نکلیں گے تو سب کو سمجھ آجائے گی،عوام کھڑے ہوجائیں تو سرکاری ملازم سامنے کھڑا نہیں ہوسکتا، حیران ہوں جس طرح لوگ ضمنی انتخاب میں باہر آئے۔انہوں نے کہاکہ سنا ہے ڈپٹی اسپیکر مزاری کو سمجھ آرہی ہے، وہ ٹھیک ہو رہے ہیں۔

موضوعات:مران خان