راولپنڈی( آن لائن )راولپنڈی کے علاقے مندرہ کلیام روڈ پر تیز رفتار گاڑی ڈرائیور سے بیقابو ہوکر پْل سے نیچے جاگری جس کے نتیجے میں 1 شخص جاں بحق جبکہ 4 زخمی ہوگئے۔ راولپنڈی کے علاقے مندرہ کلیام روڈ پر ٹریفک حادثہ رونما ہوا، جس کے باعث آصف نامی شخص جاں بحق اور چار زخمی ہوگئے۔ریسکیو اہلکاروں کا کہنا ہے کہ تیز رفتار گاڑی ڈرائیور سے بے قابو ہوکر پْل سے نیچے ریلوے پٹڑی پر جاگری، جس کے نتیجے میں ایک شخص موقع پر جاں بحق ہوگیا جبکہ چار افراد زخمی ہوئے، جنہیں فوری طبی امداد کے لیے اسپتال منتقل کردیا گیا ہے۔زخمی ہونے والے افراد کی شناخت زبیر، خرم شہزاد، منور اور اشفاق کے ناموں سے ہوئی ہے،دوسری جانب ریلوے پٹری کے نزدیک حادثیت کی شکار گاڑی کو کرین کے ذریعے ہٹادیا گیا ہے۔