لاہور( این این آئی )پاکستان مسلم لیگ کے صدر چودھری شجاعت حسین نے کہا ہے کہ چودھری پرویز الٰہی ہی وزارت اعلی کیلئے پارٹی کے امیدوار ہیں،
جن کو مینڈیٹ ملا حکومت کرنا اس کا حق ہے اورایک بار نہیں دو تین بار پہلے بھی یہی بات کہہ چکا ہوں۔ اپنے بیان میں انہوںنے کہا کہ کوئی لیٹر جاری نہیں کر رہا
،کسی قسم کے لیٹرز جاری کرنے کا سوال ہی پیدا نہیں ہوتا،مجھے صفائی پیش کرنے کی کوئی ضرورت نہیں۔ انہوںنے کہا کہ ملکی مسائل کا حل اسی میں ہے کہ گنتی کے چکروں سے باہر نکلا جائے،
غریب آدمی کے مسائل کی طرف توجہ دی جائے،جو غریبوں کے مسائل حل کرنے میں کامیاب ہو گا حقیقی معنوں میں اسی کی گنتی پوری ہو جائے گی۔
انہوںنے کہاکہ جو منتخب ہوئے ہیں وہ عوام کی خدمت کریں،اس فکر میں نا پڑیں کہ ایک دوسرے کو کیسے نیچے دکھانا ہے،
ملکی مسائل کا حل اسی میں ہے کہ سال ڈیڑھ سال حکومت کا موقع ملنا چاہیے یا فوری انتخابات کی طرف جا یا جائے،فوری انتخاب سے مراد فوری ہیں مہینوں میں نہیں۔
