وزیراعظم نے فضل الرحمان کو سودکے معاملے پر بڑی یقین دہانی کرا دی

اسلام آباد( آن لائن) وزیراعظم شہباز شریف نے مولانا فضل الرحمان کو سود پر عدالتی فیصلے کے کیخلاف اپیل واپس لینے کی یقین دہانی کروادی۔

بدھ کے روز وزیراعظم شہبازشریف سے جمعیت علما اسلام ف کے سربراہ مولانا فضل الرحمان نے ملاقات کی ہے،

جس میں مولانا فضل الرحمان نے سود سے متعلق نیشنل بینک کی اپیل سے متعلق وزیراعظم کو تحفظات سے آگاہ کیا۔

مولانا فضل الرحمان نے کہا کہ عدالتی فیصلوں کیخلاف بینکوں کی اپیل سے امت مسلمہ کے دل رنجیدہ ہوئے ہیں، امت مسلمہ سود

کو ملک میں معاشی نظام کے تباہی کا سبب سمجھتی ہے۔وزیراعظم نے مولانا فضل الرحمان کو یقین دہانی کرائی ہے کہ نیشنل بینک عدالتی فیصلے کیخلاف اپیل واپس لے گی۔

جے یو آئی ترجمان کا کہنا ہے کہ وزیر اعظم شہباز شریف نے ٹاسک فورس کو حکم دیا کہ نیشنل بینک کی اپیل واپس لینے کے حوالے سے فوری اقدامات کئے جائیں۔