اسلا آباد (آن لائن) الیکشن کمیشن نے وزیر اعظم شہباز شریف کو ڈیم کا افتتاح کرنے سے روک دیا۔وزیر اعظم کہوٹہ میں
دریائے جہلم پر پاور پلانٹ کا افتتاح کرنے والے تھے۔ یہ علاقہ حلقہ PP-7راولپنڈی کی حدود میں شامل ہے جہاں 17جولائی کو ضمنی انتخاب ہونا ہے۔
صوبائی لیکشن کمشنر پنجاب سعید گل کی ہدایت پر ڈسٹرکٹ ریٹرننگ آفیسر PP-7 علیم شہاب نے وزیر اعظم کے پرنسپل سیکرٹری ڈاکٹر توقیرشاہ سے رابطہ کیااور آگاہ کیا کہ
وزیر اعظم کا حلقہ انتخاب میں دورہ کرنا اور ترقیاتی منصوبے کا افتتاح ضابطہ اخلاق کی خلاف ورزی ہے جبکہ الیکشن کمیشن کسی قسم کی خلاف ورزی کو نظر انداز نہیں کرے گا
اور قانون کے تحت کارروائی عمل میں لائی جائے گی۔ پرنسپل سیکرٹری نے وزیر اعظم سے مشورے کے بعد دورہ منسوخ ہونے کے بارے میں
ڈسٹرکٹ ریٹرننگ آفیسر اور ڈسٹرکٹ مانیٹرنگ آفیسر کو آگاہ کر دیا۔ الیکشن کمیشن کے مطابق انتخابی شیڈول کے اعلان کے بعد ترقیاتی منصوبوں کا افتتاح کرنا ضابطہ اخلاق کی خلاف ورزی ہے۔
