روس 100 سال سے زائد عرصے میں پہلی بار ڈیفالٹر ہو گیا
ماسکو (مانیٹرنگ ڈیسک) روس 100 سال سے زائد عرصے میں پہلی بار ڈیفالٹر ہو گیا، دنیا نیوز کے مطابق روس ایک صدی سے زائد عرصے میں پہلی بار نادہندہ ہو گیا،
سو ملین ڈالر کے دو بانڈز کی ادائیگی پر تیس دن کی رعایتی مدت بھی ختم ہو گئی، ماسکو نے غیرملکی قرضوں کی آخری تاریخ گزر جانے کے باوجود ادائیگی نہیں کی
روس کے لئے سو ملین ڈالر کے 2 بانڈز پر واجب الادا رقم کی آخری تاریخ 27 مئی تھی جس پر 30 دن کی رعایت دی گئی تاہم ادائیگی پر دی گئی
رعایتی مدت بھی اتوار کو ختم ہو گئی۔ اس بارے میں روس متعدد بار کہہ چکا ہے کہ اس کے پاس ڈیفالٹر ہونے کا کوئی جواز نہیں
تاہم وہ پابندیوں کی وجہ سے بانڈ ہولڈرز کو رقوم بھیجنے سے قاصر ہے۔ روس نے مغربی ممالک پر الزام لگایا ہے کہ وہ روس کو مصنوعی ڈیفالٹ کرنے کی کوشش کر رہے ہیں۔
