ہفتہ‬‮ ، 05 اپریل‬‮ 2025 

سیٹھ عابد کی بیٹی کے قتل کیس میں ڈرامائی موڑ

datetime 18  جون‬‮  2022
ہمارا واٹس ایپ چینل جوائن کریں

لاہور( این این آئی)صوبائی دارالحکومت لاہور کے علاقہ مسلم ٹائون میں معروف کاروباری شخصیت سیٹھ عابد مرحوم کی بیٹی کو گھر میں قتل کر دیا گیا،پولیس نے جائے وقوعہ سے 3 پستول برآمد کرلئے ،پولیس نے قتل کے شبہ میں مقتولہ کے لے پالک بیٹے کو حراست میں لے لیا جبکہ گھریلو ملازمہ کوبھی شامل تفتیش کرلیا گیا ہے ، وزیر اعلیٰ پنجاب حمزہ شہباز نے واقعہ کا نوٹس لیتے ہوئے

آئی جی پولیس سے رپورٹ طلب کر لی ۔ بتایا گیا ہے کہ مرحوم معروف کاروباری شخصیت کی بیٹی فرح مظہر مسلم ٹائون کے علاقے میں رہتی تھیں۔ مقتولہ کا خاوند مظہر امریکہ میں مقیم ہے ،مقتولہ کے 2 بیٹے اور ایک بیٹی ہیں اورتینوں لے پالک ہیں۔مسلم ٹائون کے ایک گھر میں خاتون کے قتل کی اطلاع پر پولیس جائے وقوعہ پر پہنچی اور فرانزک ماہرین کی مدد سے جائے وقوعہ سے شواہد اکٹھے کرنے کے بعد لاش کو مردہ خانے منتقل کر دیا گیا ۔ بتایا گیا ہے کہ پولیس نے جائے وقوعہ سے تین پستول برآمد کر کے ایک لے پاک بیٹے کو حراست میں لے لیا ہے جبکہ ایک گھریلو ملازمہ کو بھی شامل تفتیش کیا گیا ہے ۔ڈی آئی جی انویسٹی گیشن لاہور کامران عادل نے جائے وقوعہ کا دورہ کیا ،ایس پی انویسٹی گیشن اقبال ٹائون رضوان طارق،ایس پی آپریشنز ڈاکٹر عمارہ شیرازی نے بریفنگ دی۔کامران عادل نے شواہد کا جائزہ لیا اورتفتیشی افسران کو ہدایات دیں۔ انہوں نے کہا کہ تمام پہلوئوں پر تحقیقات جاری ہیں ،جلد حقائق سے آگاہ کریں گے۔وزیر اعلی پنجاب حمزہ شہباز نے مسلم ٹائون میں سیٹھ عابد مرحوم کی بیٹی کے قتل کے واقعہ کا نوٹس لیتے ہوئے انسپکٹر جنرل پولیس سے رپورٹ طلب کر لی ہے ۔ حمزہ شہباز نے ہدایت کی کہ ملزمان کی جلد گرفتاری یقینی بنائی جائے، ملزمان کو قانون کی گرفت میں لا کر مزید کارروائی کی جائے،واقعہ کی ہر پہلو سے تحقیقات کی جائیں ۔انہوں نے کہا کہ مقتولہ کے لواحقین کو ہر صورت انصاف کی فراہمی کی یقین دہانی کراتے ہوئے واقعہ پر دلی ہمدردی اور افسوس کا اظہار کیا ہے ۔

موضوعات:



کالم



زلزلے کیوں آتے ہیں


جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…